Rəyçilik Siyasəti

Rəyçilik Modeli (Double-Blind Peer Review)

Jurnalımıza təqdim olunan bütün tədqiqat məqalələri ikitərəfli gizli (double-blind) rəyçilik prosesindən keçir. Bu o deməkdir ki:

• Müəlliflər rəyçilərin kim olduğunu bilmirlər.
• Rəyçilər müəlliflərin adını, soyadını və iş yerini (kimliyini) bilmirlər.

Məqalələr göndərildikdə müəllif məlumatları tam silinərək yalnız məzmun rəyçilərə təqdim olunur.

Rəyçi Sayı və Müddəti

Hər bir məqalə üçün ən azı 2 (iki) müstəqil rəyçi təyin olunur. Rəyçilər mövzu üzrə ixtisaslaşmış və redaksiya heyəti xaricindən olan kənar sahə mütəxəssisləridir.

Rəyçi rəylərinin təqdim olunması üçün verilən müddət 4 ilə 8 həftə arasındadır. Hər iki rəyçinin rəyi müsbət olduqda məqalə nəşrə tövsiyə olunur. Əgər rəylər arasında ziddiyyət yaranarsa (biri qəbul, biri rədd), redaksiya heyəti məqaləni üçüncü rəyçiyə göndərir.

Qərar Vermə Səlahiyyəti

Rəyçilərin rəyləri əsasında məqalənin qəbul edilməsi, düzəliş edilməsi (minor və ya major revision) və ya rədd edilməsi barədə son qərar Baş Redaktor tərəfindən verilir. Rəyçilər məsləhətverici xarakter daşıyır, lakin redaksiya rəyçi rəylərini ciddi şəkildə rəhbər tutur.

Apellyasiya Proseduru

Rədd edilmiş məqalələr barədə qərarla razılaşmayan müəlliflər rədd bildirişindən sonra 30 qan ərzində redaksiyaya əsaslandırılmış apellyasiya məktubu yaza bilərlər. Apellyasiya sorğusu Baş Redaktor və redaksiya heyətinin müstəqil komissiyası tərəfindən yenidən nəzərdən keçirilir. Komissiyanın verəcəyi qərar sondur və məqalə yenidən rədd edilərsə, ikinci apellyasiya qəbul edilmir.

Rəyçi Məxfiliyi

Rəyçilər rəy üçün aldıqları əlyazmaları tamamilə məxfi saxlamalıdırlar. Təqdim olunan əlyazma ilə bağlı məlumatların hər hansı üçüncü şəxslə bölüşülməsi qəti qadağandır. Rəyçilər məqalədəki ideyaları öz şəxsi maraqları üçün istifadə edə bilməzrər.

Rəyçi Təlimatları (Reviewer Guidelines)

Rəyçilər əlyazmanı qiymətləndirərkən aşağıdakı meyarları əsas götürməlidirlər:

• Elmi Yenilik və Struktur: Məqalədə aydın elmi yenilik varmı? Giriş, metodlar, nəticələr və müzakirə bölmələri məntiqi şəkildə qurulubmu?
• Metodologiya: Tədqiqat metodologiyası düzgün seçilibmi və təcrübələr təkrarlana biləndirmi?
• Ədəbiyyat Siyahısı: İstinadlar müasirdirmi (son 5-10 il) və mövzu ilə birbaşa əlaqəlidirmi?
• Dil və Üslub: Məqalənin dili akademik üsluba və qrammatik qaydalara uyğundurmu?
• Etik Qaydalar: Plagiatlıq, süni intellekt tərəfindən generasiya edilmiş mətn (icazəsiz) və ya məlumat manipulyasiyası şübhəsi varmı? Varsa, dərhal redaksiyaya bildirilməlidir.